Үйлөрдү алып бериңиз, башка компания курсун/ Орунтаевдин жообу/ "Раян билдинг" чуусу
"Раян билдинг" курулуш компаниясына акча салып үйгө жетпей калган жарандар курулуш министри Нурдан Орунтаев менен жолугушту. Алар сызга отуруп калышканын, канчалаган жубайлар ажырашып, кээ бири нерв боло берип каза болуп кеткенин айтышты. Айрымдарына жок эле батирлерди сатып жибериптир. Анткени 5 кабат болуп курулчу турак жайды 9 кабат болот деп ишендирген. Компаниянын директору Айжанат Абдразакованы буга чейин РИИБ кармаган, бирок сот жаш балдары бар экен деп үй камагына чыгарган. Ошого да карабай курулушун жанданткан жок деп арызданышты. Азыркы тапта анын Бишкек менен Чүйдө 6 турак жайы бүтпөй турат. Орунтаев учурда сот жүрүп жатканын, аны чечими чыккандан кийин гана жардам бере аларын белгиледи. Керек болсо объектилерин башка компанияга өткөрүп берип курдуруу жагын дагы кароону убадалады.
