Будзь прывітана, Сэрца Пана Бога / Bądź pozdrowione, Serce mego Pana

23.08.2025 t.: VIII w. (Miod.) m.: (Miod.) тэкст бел. са спеўніка "Цябе, Бога, праслаўляем" Гарманізацыі ўласная. Слухаць пажадана ў навушніках.   1. Будзь прывітана, Сэрца Пана Бога, / — верным апора, грэшным дапамога. / Шчыра паклоны мы Табе складаем, / з жалем, у пакоры міласці чакаем.          2. Поўніцца Сэрца божай дабрынёю, / каб мы не зналі злога грэху болей. / Хай Кроў Святая душы нам абмые, / свет божай праўды й чысціні адкрые.          3. Болей за дзіду лютага Лангіна / Божае Сэрца раняць нашы віны. / У скрусе прымаю я Святую рану: / у ёй — паратунак, з ёй шчаслівым стану.          4. З ранай святою хочам жыць, уміраці; / мудрасць адвечну з верай спазнаваці, / душы ачысціць, з Богам у небе жыці, / Сэрца Святое праз вякі хваліці.