Әскери қызметшілер жылдық қорытынды тексерісін тапсыруда
Сарыөзек гарнизонында орналасқан 12740 әскери бөлімнің жауынгерлік даярлық жоспарына сәйкес, жылдық қорытынды тексерісі басталды. Тексеріс барысында әскери қызметшілердің кәсіби даярлығы, дене шынықтыру деңгейі мен қару-жарақты меңгеру дағдылары бағалануда. Сынақ барысында жеке құрам негізгі пәндерден сынақ тапсырып, өздерінің кәсіби біліктілік деңгейін көрсетуде. Тексерілетін пәндердің қатарында арнайы дайындық, мемлекеттік-құқықтық дайындық, тактикалық, атыс, саптық, дене шынықтыру дайындықтары көзделген. Одан басқа, әскери техникасын жүргізу, химялық және биологиялық қорғаныс құралдарын дұрыс пайдалану және басқа да сабақтардан сынақтар тапсырады.
