«Эжеке, таракан»: Оштун мэри балдар бакчасынан таракан тапты

Ош шаарынын мэри Жеңишбек Токторбаев рейддик кыдыруунун алкагында №13 “Кыял” бала бакчасына барды. Ош мэриясы билдиргендей, шаар башчысы балдардын уктоочу бөлмөлөрүндөгү шарттарды көрүп чыгып, керебеттерин, шейшептерин, ошондой эле ашкана жана ажаткана жайларын текшерди. Анда Жеңишбек Токторбаев бакчанын бөлмөлөрүн текшерип жүрүп, бир бөлмөнүн кире беришинен таракан таап алган. «Эжеке, таракан. Таракан мына»,- деп аталган балдар бакчасынын тарбиячысына берген.