Таскескен. Төбесі ойылған тарихтың құлдырау траекториясы

Абай облысы Таскескен ауылының кіреберісінде тұрған шошақ бейітте жатқан Райып қажының бейнесі қазақ халқының қилы тағдырына ұқсас. Райыптың туған атасы Қазбек батыр орыс басқыншыларына қарсы соғысты, Райыптың өзі орыс әкімшілігіне қызмет еткен. Ашаршылық кезінде аман қалған Райыптың кейбір ұрпағы советизация саясатына ұшырады. Райыптың мазары – Таскескенде кешегі қазақ тарихынан қалған жалғыз ескерткіш. Қараусыз қалған мазар құлағалы тұр.