Бие, сэтгэлийг цогцоор нь эмчлэн илааршуулагч Оточ маарамбууд

Уламжлалт анагаах ухааныг хөгжүүлэхэд үнэтэй хувь нэмэр оруулж, сургалт, эмчилгээ явуулж байсан Манба Дацангуудыг 1938 оны улс төрийн хэлмэгдүүлэлтийн үеэр устгасан байдаг. 1760 онд Их хүрээнд байгуулсан “Бусдад Туслахуй Анагаах Ухааны Манба Дацан”-г дахин сэргээх, уламжилж ирсэн сургалт номын үйл ажиллагааг таслахгүй үргэлжлүүлэх ажлыг Хамба лам Д.Нацагдорж 250 жилийн дараа ийнхүү дахин сэргээсэн юм. Өдгөө 25дахь жилдээ үйл ажиллагаа явуулж байгаа МУЭСТ Манба Дацан нь Монгол улсад уламжлалт анагаах ухааны сургалт, эмнэлэг, эмийн үйлдвэр, өв уламжлал, түүх соёлыг цогц байдлаар нь орчин үеийн хөгжилтэй нь уялдуулан хөгжүүлж байгаа Монголын хамгийн анхны хувийн хэвшлийн байгууллага юм.