ШАРДАРАЛЫҚ ҚАЙСАР ШАМШИДИНОВ «ТҮРКІСТАН БАРЫСЫ» АТАНДЫ

Түркістан облысы Шардара ауданында Қазақ күресінен ересектер арасындағы «Қазақстан барысы» республикалық турниріне жолдама беретін «Түркістан барысы» іріктеу сайысы өтті. Додаға Түркістан облысының барлық қала-аудандарынан іріктелген 20 балуан қатысып,бозкілемде өз шеберліктерін көрсетті.Жарыстың ашылу салтанатында мінберден алғаш болып сөз алған Шардара ауданы әкімінің орынбасары Бейсенбай Төребеков қатысушыларға сәттілік тілеп, әділ әрі тартысты белдесулер болуын тіледі.