«Забойства на вуліцы Макаёнка» Клёк Штучны. Першыя часткі

Слухаць цалкам: https://audiobooks.by/books/zabojstva...
У задушлівым, прыціснутым рэпрэсіямі Менску ўзору 2022-га года, з пустымі афішнымі тумбамі і поўнымі аўтазакамі, закрытую суполку – Гільдыю гарадскіх вар’ятаў – абляцела жудасная навіна: за вакзалам дзіцячай чыгункі пякельным механізмам задушаная Жанна Танцэн, багемны матылёк і ўдзельніца масавых маніфестацый часоў рэвалюцыі 20-га. Зламысная сіла невядомага паходжання падбіраецца таксама да іншай гарадской легенды – вулічнай спявачкі Камароўскай Прымадонны. Менская міліцыя, занятая паляваннем на «палітычных», здае загадкавае забойства ў архіў. За справу бярэцца менскі клан Пісьменных – сумнеўны ранцье і безнадзейны халасцяк Якуб Пісьменны, яго пранырлівы кансільеры Аркадзь Табібулаеў, а таксама яго бабка Ханя Пісьменная, якая пры жыцці была імпрэсарыа ці не ўсіх гарадскіх вар’ятаў. Рукапіс кнігі стаў лаўрэатам другога сезону конкурсу рукапісаў “Шуфлядка” (2-24 год) у намінацыі "масавыя жанры" (фантастыка, фэнтэзі, дэтэктыў, прыгоды). Кніга публікуецца ўпершыню, эксклюзіўна ў аўдыяфармаце. Аўдыякніга была запісаная пры фінансавай падтрымцы беларускіх супрацоўнікаў кампаніі Google. Чытае: Крысціна Дробыш 00:00:00 Пралог 00:25:06 Вечарынка з уцекачамі 00:36:53 Камароўская Прымадонна