Тараз қаласы – Абай атындағы дарынды балаларға арналған мектеп-гимназиясы жаңа келбетте

Тараз қаласында орналасқан бұл мектеп-гимназия — облысымыздағы ерекше мәртебеге ие, дарынды балаларға арналған білім ордасы. Қазақ тілі мен әдебиетін тереңдетіп оқытуға маманданған оқу орны өзінің тарихи даму жолында өңіріміздің білім беру саласында үлкен беделге ие болды. Мектептің басты миссиясы — ұлттық руханияттың алтын қазынасы болып саналатын қазақ тілі мен әдебиетін жоғары деңгейде меңгерткен, терең ойлы, шығармашылық қабілеті дамыған, елжанды тұлғаларды тәрбиелеу. Мұнда оқушылар тек білім алып қана қоймай, ғылыми жобаларға, республикалық және халықаралық олимпиадаларға қатысып, үлкен жетістіктерге жетуде. Осы жылы мектеп ғимараты толық реновациядан өтіп, жаңа келбетке енді. Заманауи кабинеттер, кең әрі жарық сыныптар, жаңа технологиялық жабдықтар — барлығы оқушылардың сапалы білім алуына, шығармашылықпен дамуына қолайлы жағдай жасау мақсатында жасалды. Бүгінде Абай атындағы мектеп-гимназия — аймақтағы үлгілі, көрегенді, инновациялық білім ордасы ретінде дарынды балаларға жол ашып, болашаққа сенімді қадам басып келеді. #абай #абайқұнанбаев #абайқұнанбайұлы #мектеп