ЖАҒДАЙЫҢ ҚАЛАЙ, ЖУАЛЫ?

Sert-inform ақпарат агенттігінің түсірілім тобы Жамбыл облысының жауһары саналатын Жуалы ауданына арнайы сапармен барды. Мақсат – ауданның бүгінгі тыныс-тіршілігімен, тұрғындардың түйткілді мәселелерімен, сондай-ақ әлеуетті жобаларымен етене танысу. Жуалы – табиғаты әсем, тарихы терең аудан. Бұл сапарда біз ауыл тұрғындарының күнделікті өмірінен бастап, туризмге серпін беретін нысандар мен даму үстіндегі инфрақұрылымдарды назарда ұстадық.