«125 миллион мен абыройымды жоғалттым» – құмар ойыннан арылған Асхаттың өмірі

6 жыл бойы құмар ойынның құрбаны болған Асхат осы уақыт ішінде бәрінен айырылды. Үйі, көлігі, 125 миллион теңге, ең бастысы – жақындарының сенімі мен махаббатын жоғалтты. Анасының көз жасы, өмірлік жарының «сен мұны жеңе аласың, біз сенеміз» деген үміті ғана оны тоқтатты. Ол 6 ай бойы реабилитацияда толық ем алды, психологиялық жағынан күресіп, сананы улаған кеселден құтылды. Өйткені ол өмірге жаңаша көзқараспен қарап, балаларына үлгілі әке, отбасына тірек болатын жолды таңдады.