"АЙНАГҮЛ" Сөзү. Ормонбек Асанов. Обону. Бектемир Эгинчиев. Ормонбек Асановдун аткаруусунда.

Бешенең чолпон жангандай, Беш үркөр чыга калгандай. Жарк этип күлсөң кайрылып, Жайкы таң супа салгандай. Көздөрүң каухар тамгандай, Көңүлдү тартып алгандай. Жаштыктын жыпар гүлүсүң, Жыттаса кумар кангандай. Бүткөндөй күндүн нурунан, Бактыңа жүрөк жылыган. Айлуу түндө сыр чечип, Айтканың ойго уюган. Телмире тиктеп күлгөнүң, Таңындай жарык дүйнөнүн Болочок үчүн шерт кылып, Бир гана сенсиң сүйгөнүм.