Хорвоогийн сайн сайхан тань руу урсаж байна бясалгал

Эх орноо, гэр бүлээ, хайртай хүмүүсээ, өөрийн гэсэн бүх зүйлээ үлдээчихээд болгоно оо, бүтээнэ ээ, зорьсондоо заавал хүрнэ ээ гэсэн итгэл өвөртлөн хүний нутгийг зорьсон тэр их зориг, тэвчээр, зориулалт бүхнийг тань хүндэтгэн хайрламаар. Та хангалттай сайн байгаа, бүр дэндүү их хичээж байгаа. Одоо харин би таныг хэдхэн хормыг зөвхөн өөртөө, өөрийнхөө дотоод зүрх сэтгэлдээ зориулаад энэ бясалгалыг хийгээд үзээрэй гэж чин сэтгэлээсээ хүсэж байна. Өнгөрсөн хугацаанд таны анхаарал хангалттай бусдын төлөө байсаан. Одоо харин яг л энэ мөчид өөрийн зүрхээ нээх дээр төвлөрөөд таны дотор ямар их хайр, талархал, бүрэн дүүрэн байдал, хүч чадал байгааг мэдрээрэй. Та өөртөө анхаарлаа хандуулаад, өөрийгөө ямар гайхалтай нэгэн гэдгээ зүрхээрээ мэдрээд, талархлын долгионыг өөрөөсөө цацруулах тэр мэдрэмжийг мэдэрч чадвал энэ миний танд өгөх хамгийн гоё БЭЛЭГ байх юм шүү. ❤ Гадаадад ялангуяа Солонгост байгаа дотны хэн нэгнээ мэншион хийгээд хэлмээр байдаг зүйлсээ хуваалцаарай. Та 7 сарын 5-нд Сөүл хотод болох эвэнтийн мэдээллийг доорх холбоос дээр дарж ороод аваарай. https://www.bolormaa.ca/events/korea