ЖАСАНДЫ ИНТЕЛЛЕКТ ЖӘНЕ ЖАҢА МҮМКІНДІКТЕР: АУДАН ҰСТАЗДАРЫ КЕҢЕЙТІЛГЕН ЖИЫНДА БАС ҚОСТЫ!

Төлеби ауданында білім беру мекемелерінің кеңейтілген отырысы өтті. Ауданға қарасты 70-ке жуық мектеп пен балабақша өкілдері қатысқан жиында жаңа оқу жылына дайындық мәселелері жан-жақты қаралды. Отырыста білім беру сапасын арттыру, тәрбие жұмыстары мен инфрақұрылымды нығайту бағытындағы жоспарлар сараланды. Сондай-ақ, жиын барысында Мемлекет басшысының жуырда жариялаған Жолдауында көтерілген маңызды бастамалар, соның ішінде жасанды интеллектті білім беру процесіне енгізу мәселесі сөз болды.