Шымкенттік жеке кәсіпкер жүздеген адамды құрғақ уәдемен сендіріп жүрген

Шымкентте жүздеген адам кірпіш зауытының кесірінен далада қалатын түрі бар. Осылай деген жұртшылық бүгін өндіріс аумағына жиналды. Айтуларынша, ақшасын алдын ала төлеп қойса да, қыстан бері қыш ала алмай отыр екен. Үйін сүргізіп, жаңадан баспана көтермек болғандар енді күнде кірпіш шығаратын шағын цехтың маңын торуылдап жүр. Ал цехтың өкілдері 4 айдан бері құрғақ уәдемен шығарып салады дейді халық.