Қазақ ашаршылығы - ең ауыр қылмыс
Бүгін бізде қонақта Қазақстанның көрнекті тарихшысы, қоғам қайраткері және ғылым ұйымдастырушысы Академик Ханкелді Әбжанов 20 ғасырдағы қазақ халқының басына түскен ең үлкен қасірет – ашаршылық туралы өз көзқарасымен бөліседі. Ашаршылық – кездейсоқ табиғи апат емес, биліктің сауатсыздығы мен халықты ойламағанынан туған гуманитарлық апат. Бұл – ұлтты тұтас күйреткен зұлмат. 1897 жылғы Ресей империясының халық санағында қазақтардың саны 4 миллионға жуық болса, өзбектер небәрі 700 мың болған. Алайда ашаршылық қазақ халқының санын күрт кемітті. Қазақтың сол кездегі зиялылары – Алаш қайраткерлері – орыс интеллигенциясымен иық теңестіріп тұрған еді. Бірақ олар да қуғын-сүргінге ұшырап, ашаршылық кезінде халық жетекшісіз қалды. Орталық Қазақстан – ең көп зардап шеккен өңір. Мыңдаған ауыл бос қалды, халық шекара асып, жан сауғалады. Бүгінгі таңда ашаршылықтың шынайы тарихи бет-бейнесі әлі толық ашылып болған жоқ. Академик Әбжановтың айтуынша, бұл – ұлттың тарихи жадын жаңғырту жолындағы басты міндеттердің бірі. пікір қалдыруды ұмытпаңыз! #Адырна #ХанкелдіӘбжанов #Ашаршылық #Тарих #Алаш #1932 #ҚазақТарихы #ҰлтЖады #ҚазақЗиялылары
