Қазақстанда банан мен ананас өсіруге болады

Елімізде банан мен ананас өсіріп, мол өнім жинауға болады. Оңтүстік Корея ғалымдарының зерттеуі осыған саяды. Ғалымдар салқын, климаты қатал елдердің өзінде таңсық экзотикалық жеміс-жидекті өсіру технологиясын ойлап тапты. Владислав Цой, тілші: -Чинчжу қаласы Сеулден 400 шақырым қашық жерде орналасқан. Туристер көп баратын орындардың бірі. Себебі бұл жақтың табиғаты ерекше. Будда ғибадатханаларын тамашалау үшін келетін шетелдік қонақтар шаһарда құлпынай өсірілетінін де жақсы біледі. Мұнда оның алқабы 500 гектар жерді алып жатыр.