“Эгэл хорвоогийн хачин хүмүүс”- Өвөрмөц, давтагдашгүй дүрүүд

“Эгэл хорвоогийн хачин хүмүүс”- Өвөрмөц, давтагдашгүй дүрүүд Жагдалын Лхагваа зохиолчийн “Алаг чулуу”, “Атга чулуу” гэж хоёр бэсрэг ном бий. Горхины чулууд шиг олон өнгөтэй, олон төрхтэй, уран дүр, уран санаатай өгүүллэгийн чуулбар л даа. Адайр, зөрүү, ааштай, аргатай, зальтай, зайтай олон хүн өмнөөс чинь ярьдаг. Яг түүн лүгээ давтагдашгүй дүр, уран санаа, үхрийн махыг үнхэлцэгт нь багтаасан шиг нягт нямбай бичлэгтэй, өвөрмөц зохиолч бол Фэн Жицай юм. Лү Шюний шагнал хүртсэн “Эгэл хорвоогийн хачин хүмүүс” нэртэй түүврийг сөхвөл “Архичин эмгэн”, “Хурц хэлт Янба”, “Шүд таньсан нь” өгүүллэг өөр өөрийн зан авираар өөдөөс “ярьж”, хачин сонин олон хүнтэй уулзсан мэт бодогдоно.