МУ-ын Ерөнхий сайдын танилцуулгатай холбогдуулан УИХ-ын гишүүн Б.Энхбаяраас асуулт асуулаа.

1. Та нүүрсний хулгайтай тэмцэх ажлын үр дүнг юугаар хэмжих юм бэ? Ямар хэмжүүрээр энэ тэмцлийг амжилттай болсон эсвэл амжилтгүй болсон гэж үзэх юм бэ? 2. Нүүрсний хулгайгаар хэдэн төгрөг алдчихсан юм бэ? Хэвлэлээр яваад байгаа тоо хэр бодитой вэ? Хэдийг нь улсынхаа сан хөмрөгт буцаан авчрах зорилготой байгаа вэ? Мөн ойролцоогоор хэдэн хүн энэ гэмт хэргийг үйлдсэн, тэндээс хэд нь зохих ял шийтгэлээ хүлээхгүй бол энэ тэмцлийг амжилттай эсвэл амжилтгүй гэж дүгнэх юм бэ? Сайд болоод би тэгж бодож байна, би ингэж хардаж байна, би ингэж таамаглаж байна гэдэг зүйлийг ярьж болохгүй ээ. Баримт нотолгоотой зөвхөн хүйтэн логик, бодит факт, хуулийн хүрээнд та асуудлыг ярих ёстой. Цаашдаа хэвлэл мэдээллийн сенсаци болдог сэдэв биш. Хууль хэрэгжилтийн шударга ёсыг тогтоодог үг өгүүлбэрийг та хэлэх ёстой шүү! 2025.10.24