Ташын терип, суусун чыгарганда талашка түшкөн ЖЕР // Барскоон // Темирлан Сейитбек уулу

30 жыл бою мамлекетге салыгын төлөп, суу чыкпаган жерлерге чейин суу тартып барып, аң-дөңдү түздөп өздөштүрүп койгондон кийин даяр оокатты тартып алуу канчалык калыстык болот? Илич Чалыров Ысык-Көл облусуна караштуу Барскоон айылынын тургуну. Чалыров жана анын туугандары жер үлүшүнөн ажырап калуу коркунучунда турат. Анткени прокуратура тарабынан сотко доо арыз келтирилген. Жыйнтыгында сот аларга тийиштүү болгон жерлердин чечимин жокко чыгарган. Ал эми Чалыров Жогорку сотко кайрылып, чыккан чечимди жокко чыгарып берүүнү өтүнгөн.