“Түндүк” тиркемеси аркылуу ипотекалык үйгө онлайн катталуу мүмкүн

Жарандар эми үй алуу үчүн зарыл болгон баштапкы кадамдарды үйдөн чыкпай эле аткара алышат. “Түндүк” маалыматтык системасынын мобилдик тиркемеси аркылуу ипотекалык үйгө онлайн тартипте кезекке туруу мүмкүнчүлүгү түзүлдү. Ал үчүн мобилдик телефонуңузга “Түндүк” тиркемесин жүктөп, андан соң “Кыймылсыз мүлк” деген бөлүмдү тандашыңыз керек. Андан ары зарыл болгон документтерди жүктөп, көрсөтмөлөрдү так аткаруу менен арыз тапшырууга болот. Мындай жол менен убакытты үнөмдөп, кагаз иштеринен жана узун кезектерден кутулууга болот. Мамлекеттик кызмат көрсөтүүнүн санариптештирилиши – жарандар үчүн ыңгайлуу шарттарды түзүп, ачык-айкындуулукту камсыз кылууда.