Банк санхүүгийн байгууллага гэж юу вэ. Таны амьдралд яаж хэрхэн нөлөөг үзүүлдэг талаар.

БАНК – хувьцаа эзэмшигчдийн хөрөнгө, харилцагчдын хадгалуулсан мөнгийг бусдад зээлдүүлэх, төлбөр тооцоо хийх зэрэг санхүүгийн зуучлах үйл ажиллагаа явуулдаг Монголбанкнаас зөвшөөрөл авсан ашгийн төлөө байгууллага.  ББСБ – өөрийн эзэмшигчдийн хөрөнгөөр зээл олгох, валют арилжаа, төлбөр тооцоо, мөнгө гуйвуулга г.м. үйл ажиллагаа явуулдаг СЗХ-оос зөөвшөөрөл авсан ашгийн төлөө байгууллага.  Хадгаламж зээлийн хоршоо – зөвхөн ХЗХ-ны гишүүддээ хадгаламж, зээлийн үйлчилгээг тусгай зөвшөөрлийн үндсэн дээр үзүүлдэг байгууллага. Хөрөнгө – гишүүдийн хадгаламж.  Брокер, дилер, андеррайтерийн компани /ҮЦК/ харилцагчийн нэрийн өмнөөс үнэт цаас худалдах, худалдан авахтай холбоотой зуучлалын үйлчилгээ үзүүлдэг нь брокерийн компани. ҮЦК өөрийн хөрөнгөөр үнэт цаас худалдах, худалдан авах нь дилерийн компанийн үйл ажиллагаа. Хөрөнгийн зах зээл дээр компанийн хувьцаа гаргах, санхүүжилтийн эх үүсвэр олж авах зорилгоор үнэт цаасны танилцуулгыг мэргэжлийн түвшинд бэлтгэх, түүнчлэн анхдагч зах зээл дээр борлогдоогүй үлдсэн үнэт цаасыг худалдаж авах зэрэг ажиллагааг андеррайтерийн үйл ажиллагаа гэнэ. Хөрөнгө оруулалтын сан /ХОС/ - хөрөнгө оруулалтын менежментийн компанийн /ХОМК/ удирдлагад мэргэжлийн хөрөнгө оруулалтын үйл ажиллагаа эрхлэх зорилгоор нийтийн болон хаалттай хүрээнд төвлөрүүлсэн хөрөнгийн санг ХОС гэнэ. ХОМК нь ХОС-тай байгуулсан гэрээний үндсэн дээр түүний хөрөнгийг үр ашигтайгаар өсгөн нэмэгдүүлэх, хөрөнгө оруулагчдын эрх ашгийг бүрэн төлөөлж ажиллах СЗХ-оос тусгай зөвшөөрөл авсан байгууллага.  Зээлийн батлан даалтын сан /ЗБДС/ - Барьцаа хөрөнгийн дутагдалтай жижиг дунд үйлдвэрлэл эрхлэгчдэд зээлийн батлан даалт гаргах ашгийн төлөө бус байгууллага. Батлан даалтын шимтгэл авдаг.