40 жаштан кийин чыныгы жашоо башталат! Кризис же жаңы мүмкүнчүлүк? Жашоодо жаңы өзгөрүүлөр!
«40 жаштан кийин жашоо жаңы башталат!» – бул сонун угулат, бирок биз чын эле ага ишенебизби? Биздин менталитетте 40 жаш – бул аялдар «чоң эне» болуп, окуудан баш тартып, өзүн экинчи планга коё турган курак. Биз үчүн бир нерсени өзгөртүү кеч болуп калгандай сезилет, бирок чын эле ошондойбу? Башка өлкөлөрдө, мисалы, Корея жана Жапонияда, 40 жаштан кийин деле адамдар турмуш курушат, жаңы кесиптерди үйрөнүшөт, жашоону башкача башташат. Карл Юнг жашоо кризистерден турарын жана ар бир мезгилде биз адаттагы программадан чыгып, 60 жашка келгенде чыныгы акылмандыкка жетээрибизди айткан. Андай болсо, эмне үчүн биздин маданиятыбызда 40 жаш «төмөндөө чекити» катары кабыл алынып, жаңы башталыштар үчүн эң сонун убакыт деп саналбайт? Бул тууралуу чогуу ойлонолу!
