Фер плеј со Јана - Калин Ивановски и Горан Шевченко

Во ,,Ферплеј” го пречекуваме актуелниот најдобар македонски тенисер Калин Ивановски, заедно со Горан Шевченко – спортскиот директор на Тениската федерација на Македонија. Дознаваме каде, како и со кого тренира Калин? Какво искуство беше за него настапот на Челинџер 75 турнирот кој се одржа во Скопје минатиот месец? Зборуваме и за учеството и патот до четвртфиналето на јуниорскиот Вимблдон, каде беше запаметен по атрактивната меч-топка. Кој е негов фаворит и со кого би сакал да се натпреварува? Горан Шевченко ни открива како ќе мине летото исполнето со тениска програма во Македонија и како Тениската федерација ќе одбележи 70 години од формирањето? Што мисли за играта на Калин и за актуелната Дејвис куп репрезентација? Какви се прогнозите, дали и кога ќе го гледаме Ивановски на Грен Слем во сениорска конкуренција?