20 жылдық кездесу | К.Нұрбаев атындағы Ақсуат орта мектебінің 2005 жылы бітірген 60-түлектері | 2025
Кәрім Нұрбаев атындағы Ақсуат орта мектебін 2005 жылы бітірген 60-шы түлектер 20 жылдық кездесу аясында сағынышпен бас қосты. 11 “в” сыныбын тәмамдаған құрдастар білім алған мектептеріне барып, ұстаздарымен қауышып, оқушылық өмірдің небір қызықты сәттерін еске түсірді. Мектеп қабырғасында бірге оқыған, өмірден өткен сыныптастары мен алғаш қалам ұстатқан сынып жетекшілерінің басына барып, құран оқытып, рухына тағзым етті. Ақсуаттың көрікті жерлерін аралап, туған жердің ауасын жұтып ерекше күйге бөленген олар, кездесуді “Дос” мейрамханасында жалғастырды. Түлектердің айрандай ұйыған ауызбіршілігінің нәтижесі 20 жылдық кездесудің жоғары деңгейде өтуінен анық көрінді.
