Хутагтын дөрвөн үнэн – Дээрхийн гэгээнтэн Раднабазар Ринбүчи. 08.27.2022
8 сарын 27-ны Бямба гарагт Чех улын Сиддарта төвөөс айлтгасны дагуу Дээрхийн гэгээнтэн Раднабазар Ринбүчи бээр Бурхны шашны гол үзэл онолуудыг тайлбарлан айлдана. Сажын номын нөхөд айлдварыг давтан Монгол хэл рүү орчуулан шууд дамжуулан хүргэх болно. Номын хөтөлбөр УБ-ын цагаар: 15.00-16.15 Хутагтын дөрвөн үнэн 16.45-18.00 Зургаан билиг барамид 20.00-21.15 Аврал одуулах 21.45-23.00 Бодь сэтгэл 23.00-23.30 Аврал одуулах уншлагын лүн болон Бодисадвын санваар хайрлана. 23.30-24.00 Пүрэв сахиусны үүднээс Гаваг хайрлана. Бодисадвын санваар Хамаг амьтны тусын тулд Бодийн хутгыг олохоор зорьж буй хэн бүхэн Бодисадва болохын тулд Бодисадвын санваар аван сахих амлалт авдаг. Энэтхэгийн мэргэн Шантидэва гэгээн бээр “Бодисадвын санваар аван сахих маш чухал. Учир нь бусад буян барагдах ч Бодисадвын санваар аван үйлдсэн буян барагдашгүй үлэмж их хэмээн” айлджээ. Пүрэв сахиус Пүрэв сахиус гадаад хийгээд дотоод саад тотгорыг амирлуулагч тарний ёсны гол сахиус юм.
