Сардоба фожиаси сабабларини сув омборини қурган Сангиновнинг ўзи тафтиш қилади

Озодлик ўтказган журналистик суриштирув Ўзбекистондаги гидроиншоотлар вазири мақомида бўлиб келаëтган сенатор Абдуғани Сангиновнинг Сардоба сув омбори қурилишида ҳам давлат буюртмачиси¸ ҳам қурувчи пудратчи мақомида қатнашганини тасдиқлади. Шунга қарамай¸ президент фармойиши билан Сангинов Сардобадаги техноген фалокат сабабларини ўрганиб¸ президентга хулоса берадиган ҳукумат комиссиясига киритилди. Айни пайтда¸ сув омборининг бош пудратчиси Очилбой Раматов бу рўйхатда йўқ.