САНАА БИЙИКТИГИНДЕГИ КЕЗДЕШҮҮ (М. Шаханов менен Ч. Айтматовдун достугу) даректүү тасма

Ч. Айтматов менен казактын залкар акыны М. Шахановдун достугу - өзүнчө тарых да, өзүнчө тагдыр. Бир жолку жолугушууда Чыңгыз Айтматов: «Улуу нерселерди түшүнүш үчүн улуу маданият», - керек деген эле. Айтматовду Айтматовдун деңгээлинде түшүнүш үчүн, Айтматовго Айтматовдой дос, сырдаш, тилектеш болуш үчүн Шахановдой акыл-парасаты зирек, ой-дүйнөсү бийик, абийири таза инсан керек болчу. Кыргыз менен казактын багына жаралган бул эки дос бири-бирине шайкеш, илимдин тили менен айтканда, конгениалдуу инсандар болгон. Бул даректүү тасма, эки инсандын достугунун кичинекей бир бөлүгүн гана айтып берүүгө аракет кылат.