«Сэһэргээ»: Надежда Варламова – Надикан

Ырыаһыт Надежда Варламова – Надикан хотугу төрүт омуктар фольклордарын, ырыаҕа-тойукка сыһыаннаах үгэстэрин чинчийэр. Ону тэҥэ «Ордо» этно-бөлөххө ыллыыр, хомуска уо.д.а. инструменнарга оонньуур, ырыа айар. М.Н.Жирков аатынан Дьокуускайдааҕы музыкальнай колледжка фольклор салаатыгар үүнэр көлүөнэни уһуйар. Надикан СГУ-га омук тылын салаатын бүтэрбитэ, Англия уонна Кытай тылыттан идэлээх тылбаасчыт, хас да сыллар устата тас дойдуга үлэлээбитэ. 2012 сыллаахха суруйбут «Биир түгэн» диэн ырыата iTunes ситимҥэ киирбит бастакы сахалыы ырыа буолбута. Надежда Варламова - Надикан үөрэтэр-чинчийэр үлэтин, араас омук итиэннэ улуустарынан матыып арааһын, кыыл-сүөл саҥатын үтүктүүнү уонна «Ордо» бөлөх туһунан сиһилии Улус.Медиа-ҕа кэпсээтэ.