"ЧУУЛГАНТАЙ ӨДӨР" #Gishune
Хан-Уул дүүргийн ажилч хөдөлмөрч, хэрсүү олныхоо томилолтоор хууль тогтоох байгууллагад ажилд ороод тав дахь сар руугаа орж байна. Төрийн эрх барих дээд байгууллага учраас хамаарах асуудал олон. Олон ч гэж бүх л асуудал Их хурлын гишүүдийн гар дээр ирдэг. Бүгдийг нь нэг хүн шидтэн шиг шийдэх боломжгүйг бид хэзээнээсээ л мэдэж байгаа. Голлон анхаарах асуудал, сонгуулиар хэлж ярьж байснаа л ажлын төлөвлөгөө болгоод явж байна. Их хуралд дөрвөн жил суусных төрд хураалгачихсан байгаа, хүний эдлэх ёстой жам ёсны эрх, эрх чөлөөг эргүүлэн суллах, Монгол хүн Монголдоо дарамтгүй ажил хийж, бизнес эрхэлж амьдрах, гадаадын хөрөнгө оруулагчид айдасгүй, итгэлтэйгээр Монгол руу хөрөнгөө оруулж, арвижуулж, хамтарч ажилласан Монголчууд нь суралцаж хамтдаа өсөн дэвжиж, хойшдоо дэлхийд том тоглогч болж бойжих нөхцлийг бүрдүүлэх, хортой улс төр, популизмаас тэднийг хамгаалах, хууль дээдлэх зарчим Их хурлаасаа эхлэх, Их хурлын гишүүн гэж хулгайчийг л ойлгодог болтлоо уначихаад байгаа парламентын засаглалынхаа гол нурууг түшиж, зарчим сануулж, хариуцлагыг усалж нэр хүндийг нь өргөх замаар парламентын ардчиллаа хамгаалах зэрэг дээр голлон төвлөрч ажилланаа. Энэ хугацаанд сонгуулиар амлаж байсныхаа дагуу ил тод, нээлттэй ажиллана. Энэ контентоо чадхаараа баяжуулж үргэлжлүүлнэ ээ. Надаар тодруулуулах, сонирхож байгаа асуудлуудаа доор коментоор үлдээж хамт байгаарай. Үзэл санаандаа бат хамт л байгаа шүү #gishune нь.
