Өрөг Тунхаг Тамга судраас ОулЭн эхийн тухай (Өүлэн эх)
Өрөг Тунхаг Тамга судраас ОулЭн эхийн (Өүлэн эx) түүхийн талаар уншсан сэтгэгдлээ энэ дугаарт хуваалцаж байна. ОулЭн үжин нь Олхонудын Нохой хочит тэргүүн ноёны охин бөгөөд хатан болохоор тусгайлан сургагдаж бэлтгэгдсэн язгууртан хүмүн юм. ОулЭний бага насны амьдрал отог бүлдээ аз жаргалтай өнгөрсөн бол Мэркүдэд (Мэргид) сүй тавигдаж, улмаар Чилэдүгийн гэргий болохоор отгоо орхин Мэркүд нутаг явах замдаа Чоносын ИэСууЭкэ буюу Есүхэ баатарт булаагдсанаар түүний амьдралын түүх нь орвонгоороо эргэдэг. Эрхэм дээд язгууртан үжинээс булаагдсан эм, булаагдсан эмээс Хамаг Монголын ханы гэргий, Ханы гэргийгээс бэлэвсэн эм, сул ард болтлоо амьдралын эрээн барааныг туулсан тэрбээр хөвүүд охидоо алдартан болгон өсгөж ирээдүйн Их Монгол улсын далай хаан Эзэн Чингис хааныг өсгөн бойжуулсан гавьяатай. Түүнээс гадна өнчин ядуу нэгэн, авьяас зүтгэлтэй нэгнийг тэтгэн асарч нэгэн бүл хүрээ болгон асардаг байсан тул өглөгч эх буюу ӨгИэлүн хэмээн ард олноо алдаршсан байдаг. Түүний хүрээлэн сууж байсан газар өдгөө Хэнтий аймагт Өглөгчийн хэрэм нэрээр туурь нь үлдсэн байдаг. ОулЭн эхийн сонирхолтой түүхийг унших бол Өрөг Тунхаг Тамга номыг уншаарай.
