Цөмийг ЦөмША

Цөмийг ЦөмША Эрт ээ урьдын цагт, галактикийн алсын алс дахь хаа нэгтээ, Science Cafe доторх нэгэн харанхуй буланд... Хасаа, Гра, Алтак гурав Адъягийн хамт, мензурк, өө биш ээ, кообл ч билүү, коолб ч билүү нэг сонин юман дотроос шар өнгийн, харанхуй материйн хольцтой үл мэдэгдэх шингэнийг шимэнгээ цөмийг ЦөмШАасан юм. Олон улсын Science Cafe-н Монгол дахь салбар HUB Innovation Center дотор нээгдсэнд тэд машид их баясч, олзуурхах аж. Учир нь тэнд тэдэнтэй ижил шинжлэх ухаанд нугасгүй нөхдүүд цуглаж, уулзаж учрах шалтга болж байгаагаас тэр шүү дээ. Энэ удаад дэлхийн тооллоор 2023/07/21-ний Баасан гарагт 20:00 цагаас Өргөө IMAX-т домогт Christopher Nolan-ы Oppenheimer киног Quantum Mongolia поткасттай хамт нээж байгаа нээлтийг далимдуулан Oppenheimer киног үзэхээсээ өмнө ШУШАана. Оппенхеймер гэж хэн бэ, юу хийсэн юм, атомын цөмийн хүч, түүний улс төр, нийгэмд үзүүлсэн нөлөөлөл зэргийн талаар ярихаас гадна киног үзэхээс өмнө юу хүлээж, ямар байх бол хэмээн таамаглаж байгаа талаараа хуваалцах авай. Эцэст нь өдийг хүртэл хэнд ч хэрэггүй хий хоосон зүйлс хийрхсэний эцэст ШУШАалтаа шар айргаа шимж, зөөлөн буйдан дээрээ тухлан сууж таалан соёрхоно уу.