[НАХ- Ep1]-Зохиол бичсэнийх нь төлөө цаазын ял тулгав

Усны гудамж "Ном амссан хулгана" хэмээх монологи подкастынхаа анхны дугаарыг бэлтгэн хүргэж байна. Энэ удаагийн дугаарт Салман Рушди зохиолчийн намтарчилсан бүтээл "Хутга" номыг онцлов. Ном, уран зохиолын тухай мэдээлэлтэй ойр байхыг хүсвэл манай Youtube сувгийг subscribe хийгээрэй. Энэтхэг Их Британийн колоничлолоос гарч тусгаар тогтнолоо зарласнаас дөчин жилийн хойно Салман Рушди “Шөнө дундын хүүхдүүд” (Midnight’s children; 1981), “Shame” (1983) гэх хоёр ч роман туурвиад амжсан, Бүүкерийн шагналт зохиолч болсон байлаа. Мөн удахгүй дуулиан тарих нэгэн зохиол дээрээ ажиллаж байсан нь хожмын “Шулмын шүлгүүд” (The Satanic Verses; 1988) роман байв. Зохиолч тус романаа тун ч амжилттай хэвлэж чадсан. Гэвч хэвлэн нийтэлснээс нэгэн оны дараа 1989 онд Исламын шашны шийт урсгалын удирдагч, улс төрч Аятолла Рухолла Хомейни тус романыг бичсэнийх нь төлөө Салман Рушдид “фатва” буюу цаазын ял оноосон юм.