Имҩаҧысит 2025-2026 аҵарашықәсазтәи аҵара аминистрра раҧхьаӡатәи аколлегиа.

Ишьҭыхыз азҵаара хадақәа ируакын шықәсқәак раҧхьа аус зыдулаз арҵаратә программа ахәыҷбаҳчақәа рзы ихарҭәааны, аметодистцәа, ааӡаҩцәа, апрактикцәа ргәаанагарақәа азгәаҭаны, ашьақәырҕәҕәарахь анагара. Иара убас, ааӡара апрограмма ҿыц аконцепциа аилатәараҟны иӡырган. Абызшәа аҭагылазаашьа аиҕьтәра аус агәцаракра, изызҳауа абиҧара амилаҭтә культура рылааӡаразы иарбан мҩақәоу иазылхтәу уҳәа ахырхарҭақәа жәпакы ирзааҭгылеит.