«Директормен шай» бағдарламасында Дәулет Мұқаев|Жаңа жоба болады ма?

Бүгінгі шығарылымда көрермен қауым назарына – елге кеңінен танымал, көшбасшы тұлға, ұлағатты ұстаз Ақмоншақ Нұртазақызы мен халықтың үніне айналған экономист, журналист, блогер әрі Мәжіліс депутаты Дәулет Төлеутайұлы Мұқаевтың жүрекжарды сұхбаты ұсынылады. Бұл жүздесу тек әңгіме емес – ұрпақ тәрбиесіне, ұлттық болмысқа, білім мен рухани құндылықтарға терең бойлаған тағылымды сырласу. Екеуара әңгіме барысында жас буынды отансүйгіштікке баулу, білім мен тәрбие беру ісіндегі отбасы мен мұғалімнің рөлі, бала бойына ұлттық сана мен рухты дарыту жайлы өзекті мәселелер кеңінен қозғалды. Дәулет Төлеутайұлының өмірлік ұстанымдары мен өмірден түйген ойлары – тыңдаушыны бейжай қалдырмайтын, терең ойға жетелейтін мазмұнмен өрілді. Ол өз сөзінде әр баланың тағдыры – ата-ана мен ұстаздың ортақ жауапкершілігінде екенін айта келіп, ұлт болашағының кілті – сапалы білім мен ұлттық тәрбиеде жатқанын ерекше атап өтті. Сұхбат барысында төмендегідей маңызды мәселелерге тоқталды: • Жас ұрпақтың қоғамдық келбетін қалыптастырудағы отбасы мен мұғалімнің айрықша рөлі; • Мамандық таңдаудың маңыздылығы мен өмірлік мақсатты дұрыс қоя білудің мәні; • Ата-ананың бала тәрбиесіндегі басты міндеті – ана тілі мен салт-дәстүрді, ұлттық құндылықтарды санасына сіңіру; • Ұстаздардың әр балаға махаббатпен білім беріп, жан-жақты тұлға ретінде қалыптастыруы; • Елге адал қызмет ететін, рухы биік, отансүйгіш жастарды тәрбиелеудің жолдары; • Әр адамның өмірден мән тауып, өзіндік ізін қалдыра білуі туралы пайымды пікірлер. Бұл сұхбат – тек сөз емес, жүректен шыққан шындықтың үні. Ұлттық рух пен тәрбие, білім мен даналық, парасат пен ұлағат тоғысқан тағылымды сұхбат көпшілікке ой салар деген сенімдеміз. Сіз де өз пікіріңізді қалдырып, ой қосыңыз. Ұрпақ болашағы – бәрімізге ортақ мүдде!