БАТТӨМӨРЭЙ АРИУНБАТ - ЁОХОР | ПРЕМЬЕРА ПЕСНИ 2025

Буряад зоной еохор наадан дэлхэйдэ суурханхайнь мэдээжэ. Нютаг бүхэнэй еохор наадан өөрын онсо илгаануудтайшье байдаг. Он жэлнүүдэй ошохо бүри сагай үедэ тааруулагдана, шэнэлэгдэнэ, шэнэ аялга, үгэнүүд зохеогдоно. Залуушуулай захяагаар найруулагдан зохеогдоһон шэб шэнэ еохор Монголой Дорнод аймагай Дашбалбар нютаг тоонтотой залуу дуушан Баттөмөрэй Ариунбат гүйсэдхэбэ. Үгэнь болон хүгжэмынь Цырен Шойжонимаевай. Еохор. Аранжировка - Бихжаргал Дуламсурэн. 1) Эдир залуу наһанайм, наһанайм Эльгэн тоонто һайхан даа, һайхан даа, Элинсэгэйм үреэһэн, үреэһэн, Еһо заншал һайхан даа, һайхан даа. Тала дайдаар ургадаг, ургадаг, Сэсэг набша һайхан даа, һайхан даа. Эжы абым үршөөһэн, үршөөһэн, Буян хэшэг һайхан даа, һайхан даа. Дахилт: Нютаг зомни хатарая, хатарая, Хүхин жарган наадая, наадая. Сэдьхэл дүүрэн дуулая, дуулая, Сэнгэн ябаял нютагтаа, нютагтаа. 2)Буряад монгол оронойм, оронойм Баян шарайнь һайхан даа, һайхан даа. Баабай эжым хэлэһэн, ойлгуулһан Һургаал мандаа һайхан даа, һайхан даа. Инаг хоерой сэдьхэлэй, сэдьхэлэй Халуун хайрань һайхан даа, һайхан даа. Балшар багахан хүүгэдэй, хүүгэдэй Баясан хүхихэнь һайхан даа, һайхан даа. Дахилт: 3) Түрэл арадайм зохеоһон, зохеоһон Еохор наадан һайхан даа, һайхан даа. Булта хамта наадандаа, наадандаа Хатаран, дуулан байял даа, байял даа. Хүнгэн солбон эжынэр, баабайнар, Залуу хүбүүд, басагадууд, басагадууд Еохортоо түргэлыт, яарытэ, Хамта хүхин хатарая, хатарая! Дахилт: