УЛУҒБЕК ҚОСИМОВ ЭШИТМАСА.. PREZIDENTGA MUROJAAT! SURXONDARYO..

ЎЗБЕКИСТОН РЕСПУБЛИКАСИ ПРЕЗИДЕНТИ Ш.М. Мирзиёевга ЎЗБЕКИСТОН РЕСПУБЛИКАСИ БОШ ПРОКУРАТУРАСИГА ЎЗБЕКИСТОН РЕСПУБЛИКАСИ ЭНЕРГЕТИКА ВАЗИРИГА СУРХОНДАРЁ ВИЛОЯТ ҲОКИМИ У.Б. Қосимовга «ҲУДУДИЙ ЭЛЕКТР ТАРМОҚЛАРИ» АЖ РАҲБАРИГА --- АРИЗА – ОЧИҚ МУРОЖААТ Биз, Сурхондарё вилояти, Денов тумани, Катта Қарши маҳалласида истиқомат қилувчи фуқаролар Абраев Рӯзибой ва Акабоев Шавкат, маҳалламизда амалга оширилаётган электр инфратузилмасини янгилаш ишлари юзасидан ўз мурожаатимиз билан чиқамиз. Жорий 2025 йилда давлат бюджети маблағлари ҳисобидан маҳалламизга янги бетон устунлар ва замонавий кабеллар тортилмоқда. Бу аҳоли турмуш шароитини яхшилаш учун муҳим қадамдир. Бироқ, афсуски, бизнинг кўчадаги 4–5 та хонадон, жумладан ногиронлиги бор фуқаролар истиқомат қиладиган уйлар, ушбу ишлардан четда қолдирилди. Уй эгалари туман электр тармоқлари корхонасига қўшимча пул тўлай олмагани боис, уларга янги устун ва кабел тортилмаган. Энг ачинарлиси, ушбу хонадонларда салкам ярим аср аввал ўрнатилган ёғоч устунлар ҳалигача алмаштирилмаган. Улар вақт ўтиши билан чириб, ҳозирги кунда электр симлари билан бирга инсон ҳаёти учун хавфли ҳолатга келиб қолган. Бу ҳолат нафақат аҳолининг кундалик ҳаётига, балки болалар, кекса ва ногирон фуқароларнинг ҳаётига ҳам бевосита таҳдид солмоқда. Шунингдек, Катта Қарши маҳалласи “қизил ҳудуд” сифатида белгиланган. Бу эса мавжуд ҳолатнинг янада хавфли ва долзарб эканини кўрсатади. --- ШУНДАН КЕЛИБ ЧИҚИБ, СИЗДАН ҚАТЪИЙ ТАЛАБ ҚИЛАМИЗ: 1. Катта Қарши маҳалласида олиб борилаётган электр инфратузилмаси янгилаш ишлари барча хонадонларни қамраб олсин, ҳеч ким четда қолмасин. 2. Ногиронлиги бор ва имконияти чекланган фуқаролар истиқомат қиладиган уйлар биринчилардан бўлиб хавфсиз электр тармоқлари билан таъминлансин. 3. Давлат бюджети ҳисобидан молиялаштирилаётган ишлар учун аҳоладан пул талаб қилиш амалиётига қонун доирасида қатъий чек қўйилсин. 4. Туман электр тармоқлари корхонаси фаолияти юзасидан очиқ ва холис текширув ўтказилсин. 5. Хозирда чириб, инсон ҳаёти учун хавф туғдираётган ёғоч устунлар зудлик билан алмаштирилиб, аҳоли хавфсизлиги таъминлансин. Ушбу мурожаатимиз адолат, қонунийлик ва инсон ҳаёти хавфсизлигини таъминлаш йўлида қўйилаётган талабдир. Абраев Рӯзибой Сурхондарё вилояти, Денов тумани, Катта Қарши маҳалласи фуқароси Акабоев Шавкат Сурхондарё вилояти, Денов тумани, Катта Қарши маҳалласи фуқароси