Д.Оразбеков, М.Исабекова, Р.Нұржігіт, Н.Нұғыманова, А.Төлепберген, Д.Ахмадиева. «Кел, шырқайық!»

«Кел, шырқайық!» жобасында әр жастағы өнер иелері кездесіп, караокеде ән салады. Аталмыш шоу тартымды жүргізушілер, қызуқанды ойыншылар, үнемі қолдайтын жанкүйерлер, әзіл-қалжың және қызықты оқиғаларға толы алаң болмақ. Жоба шарты: Әр бөлімінде 6 қатысушы 3 турдан тұратын сайысқа түседі. Қазылар ойыншылардың өнерін кәсіби тұрғыдан бағалап, өз пікірлерін айтады. Көрермендер әншілерге қолдау білдіріп, ұнағандарына дауыс береді. Мұндағы ойыншы дегеніміз – елімізге белгілі өнер иелері. Олар: әншілер, актерлар, бір сөзбен айтқанда ән салғанды ұнататын тұлғалар. Байқауда заманауи, әлемдік, 90-шы жылдардағы, халық әндері, кинохиттар және мультфильмдер мен балалар әндері орындалады.