ҚАРАҒАНДЫ ҚАЙҒЫСЫ: КӨМІР ҮШІН ӨМІРІН БЕРГЕНДЕР / KOREMIZ

Тәуелсіз Қазақстан тарихындағы 13-қаралы күн 28 қазан күні Қарағанды қаласындағы «Костенко» шахтасында алапат апат орын алды. Салдарынан 46 кенші оқиға орнында тіл тартпай кетті. Мемлекет президенті марқұмдардың жақындарына көңіл айтып, «Арселлор Миталл» компаниясын сынға алды. Елімізде жалпыұлттық қаралы күн жарияланды. Анықталғандай, 1995 жылдан бері үнді кәсіпкерінің иелігіндегі шахтадағы бұл бірінші жарылыс емес. Небәрі 23 жылдың ішінде 180-ге жуық кенші көз жұмған.