БҮТЭЭМЖЭЭ ӨНДӨР БОЛГОЁ ГЭВЭЛ ХИЙЖ БУЙ АЖИЛДАА ӨНДӨР АЧ ХОЛБОГДОЛ ӨГӨХ ХЭРЭГТЭЙ
Рояаль олон улсын их сургуулийн захирал Ч.Сэлэнгэ "Multitasker" буюу олон ажлыг зэрэг амжуулах нь амжилттай яваа хүмүүст байдаг нийтлэг шинж байдаг. Ажлыг хооронд нь уялдуулж амжуулж чадахгүй хүн хоол хийж байхдаа ч, ажлаа хийж байхдаа ч ялгаагүй стрестэж зовдог. Боловсролын салбарт 17 дахь жилдээ ажиллаж байна. Сургуульдаа анх багшаар ажиллаж эхэлсэн. Сайжруулж, засах зүйл юу хэрэгтэй байгааг мэдэж удирдах албан тушаалд ирсэн учраас шууд багш нараа ажлын байран дээр нь сургах гол ажил руу орж байсан. Оюутнууддаа сургуульд сурч байсан ч хажуугаар нь ажил хийхийг зөвлөдөг. Учир нь хүн ажил хийж байхдаа хүний арга эвийг олох, юмны ард гарах, олон хүнтэй харилцах зэргээр олон зүйлсийг бусдаас суралцаж байдаг.Харин ажил хийснээс болж сургуулиас гарахыг зөвшөөрдөггүй. Хүүхэд байхаасаа би доллар биш тул хүн бүрт таалагдахгүй гэдгээ мэддэг байсан. Тийм болохоор хэн нэгэнд загнуулах, шүүмжлүүлэхдээ хөнгөн тусгаж авдаг. Ажлын хүндийг хийж байж л мэддэг гэж үнэн. Лондонд оюутан байхдаа ресепшний ажлыг амархан гэж бодтол англи хэл дээр хүмүүст мэдээлэл өгнө, өдөржин зогсоно гээд маш их ядардаг байж билээ. Гэх мэтчилэн оюутан байхаасаа эхлээд зөөгч, орифлэймчин, номын санч, оюутан чиглүүлэгч маш олон ажлуудыг хийж тэр бүрээс их юм сурсан.
