АНГЛИ ХЭЛНИЙ АНХАН ШАТ – Simple Future Tense – Энгийн Ирээдүй цаг

Сайн байцгаана уу. Өнөөдрийн хичээлийн сэдэв: Англи хэлний "Энгийн ирээдүй цаг". Ирээдүй цаг нь нь их амархан учир сайн ойлгоод, өөрийн болгоод аваарай. Ингэснээр цаашид Future Continuous, Future Perfect цагуудыг үзэхэд танд илүү дөхөм байх болно. Дараагийн хичээлээр Энгийн өнгөрсөн цагийг үзсэний дараа бүгдээрээ Одоо, Өнгөрсөн, Ирээдүй болон Байнга үйлдэгдэх цагуудыг ашиглан ярьдаг, бичдэг, ойлгодог болох болно. Иймээс хичээлээ анхааралтай үзээд өөрийн болгож аваарай. Нэг өдөр нь дүрэм үзэх, нэг өдөр нь шинэ үг цээжлэх, нэг өдөр нь сонсголын дасгал хийх г.м-ээр өдөр бүр өөртөө цаг гаргаад тодорхой хугацаагаар Англи хэлээ давтаарай. Ингэснээр таны Англи хэлний чадвар сайжрах болно. Хичээл маань таалагдсан гэдэгт итгэлтэй байна. Та бүхэн бичлэгтээ LIKE дарж, найз нөхөддөө түгээгээрэй. Хүндэтгэсэн., Дариа.