ҮГҮЙ Л БОЛОВ УУ: Ирээдүйн өөрийгөө төсөөлж байсан уу?

"Ихэнх хүмүүс шаргуу ажилладаг ч, ШАРГУУ БОДДОГГҮЙ!" Өөрийн санасан бүхэндээ хүрчихсэн, мөрөөдлийн амьдралаараа амьдарч байгаагаар өөрийгөө нэг ч удаа төсөөлж үзээгүй яваа юм биш биз дээ? Өдөр тутамдаа хэдхэн минут зарцуулаад, биет зардал гаргахгүйгээр хийх боломжтой энэ төсөөлөл (зураглал) бол таны хамаг цаг заваа зарцуулаад байдаг ажил, сургуулиас чинь хавьгүй ҮНЭ ЦЭНЭТЭЙ! Ихэнхидээ бид нүдэнд харагдах бодит зүйлд хэт их ачаалал өгч, зүрхэнд тархинд харагдах ТӨСӨӨЛӨЛДӨӨ дэндүү хайнга хандах хандлагатай байдаг. Гэтэл аливаа зүйл тархин бодол хэлбэрээр үүсч, төсөөллийн хөрсөнд бордогдсоны дараа сая бодит амьдрал дээр бий болдог. Тиймээс та бүхэндээ энэхүү ШАРГУУ БОДОХ чухал ажлуудын нэг болох ЮУ ХҮСЧ БАЙГААГАА ТОДОРХОЙЛОХ, ИРЭЭДҮЙН ӨӨРИЙГӨӨ ТӨСӨӨЛӨХ талаар ойлголтийг энэ удаагийн дугаараараа өгөхийг хичээлээ.