Уйлары менен «сүйлөшкөн» фермер айымдын бир күнү

Өлкөнүн аймагында айыл чарбасына берилген жарандар арбын. Алардын бири Чүй облусундагы Сокулук районунун Жаны-Пахта айылында 2 гектар жердеги чарбасына кам көрүп жаткан фермер жубайлар — Узатбек Калдыбаев менен Гүлнура Акматалиева. Алардын үйүндө ар бир таң өзгөчө башталат. Гүлнур айым сааттын коңгуроосу кагыла электе ойгонот. Анткени короздун үнү күндүн чыгышын күтпөйт эмеспи. Ал үчүн фермерлик жөн гана малга жем-суусун берүү эмес, бул — чыныгы илим. Гүлнур айымдын айтымында, уйларга көңүл буруу жана алар менен баарлашып туруу да маанилүү.