НЭГ ӨДРИЙН ДОТОР САНХҮҮГИЙН ЭРХ ЧӨЛӨӨНД ХҮРЭХ БОЛОМЖТОЙ! ЯАЖ ВЭ?

Шийдэл нь ерөөсөө л ЛАМ эсвэл ХҮҮХЭД БОЛОХ. Яагаад лам вэ? гэвэл та хүмүүсийн хандиваар амьдраад, зарлага гаргахгүй, өдөржин ном уншаад л амьдарчихна. Бас татвар ч төлөх шаардлагагүй. Ерөнхийдөө таны зарлага 0₮ болно. Хүүхэд ч гэсэн санхүүгийн эрх чөлөөтэй амьдардаг: -Түрээс, байрны мөнгө төлөхгүй -Амьжиргааны зардал гаргахгүй -Хоол хүнс цуглуулахгүй, хөргөгч байнга дүүрэн гэх мэтчилэн. Бас л ямар ч зарлагагүй амьдрал. Миний юу хэлэх гээд байгааг ойлгосон уу? Хүмүүс дунд нийтлэг нэг буруу ойлголт байдаг. Тэд санхүүгийн эрх чөлөөг өндөр цалин/орлоготой АНДУУРДАГ. Гэхдээ яг амьдрал дээр их хэмжээний орлоготой хүмүүс ихэнх нь санхүүгийн эрх чөлөөнд хүрэх нь битгий хэл, ойртоо ч үгүй байдаг. Яагаад гэвэл 2 сая ₮ цалинтай ч байсан, 5 сая ₮ эсвэл 10 сая ₮ орлоготой ч байсан: Тэд нэг л зүйл дээрээ алддаг - ЗАРЛАГА! Товчхондоо: Хэрвээ та санхүүгийн эрх чөлөөнд хүрэхийг хүсвэл ЭХЛЭЭД ЗАРДЛАА БУУЛГАХ хэрэгтэй гэсэн үг. Санхүүгийн эрх чөлөө гэж юу вэ? гэвэл: “Одоо болно оо” гэж хэлэхийг хэлнэ.