МЕШІТКЕ НҰРНИЯЗ АХУННЫҢ АТЫ БЕРІЛДІ

Бейнеу ауданының Ақжігіт ауылындағы мешітке Нұрнияз ахунның атағы берілді. Рухани шара ахун ұрпақтарының бастамасымен қолдау тапты. Нұрнияз Төлепбергенұлы жастайынан Бұқарадағы жоғарғы оқу орыны саналатын діни медреседе үздік оқып, оқуын мерзімінен бұрын бітіреді. Өзін жан-жақты көрсетіп елге «Ахун» дәрежесімен оралғаннан соң Маңғыстаудың Сазды жеріндегі мешітті 1892 - жылы жаңартып ірге тасын қайта салады. Кейін сол құлшылық үйінде ел-жұрттың зейінін ашып, сауаттануына зор үлес қосқан. Мешіт - медреседе тек Маңғыстаудың балалары емес, Атырау, Жылыой, Сағыз елді мекендерінен де келіп оқығандар болған.