"АҢЫЗ БЕН АҚИҚАТ": ҒАЙЫП АТА ЖӘНЕ ЛАЙҚОР АТА КЕСЕНЕЛЕРІ
Көне ғасырлардың көмбесінде жатқан, тарихтың тереңінен сыр шерткен қасиетті мекен — Испиджаб. Бұл топырақ сансыз бабтардың табаны тиген, талай замандардың куәсі болған қасиетті өркениет ошағы. Испиджаб — Шымкенттен басталған Ұлы Жібек жолының бойындағы ірі сауда, мәдениет және рухани орталық. Бұл қала — тек саудагерлер мен саяхатшылардың емес, ғұламалар мен ойшылдардың, батырлар мен билердің алтын ізі қалған мекен. Әрбір тасы, әрбір жота мен сайы — тарихтың үнсіз шежіресін сыбырлап тұрғандай. Қасиетті Сайрам өлкесінде орналасқан Испиджаб — түркі өркениетінің жүрегі. Мұнда дүниеге келген ұлы тұлғалар — дін мен білімнің шамшырағына айналды. Қаратаудың қойнауында көне мешіттер мен кесенелер, археологиялық мұралар әлі де тарихтың тынысын жеткізеді. Бұл мекен — рухтың мекені. Мұнда қазақтың шежіресі сайрап жатыр. Қасиетті топырақтан нәр алған ұрпақ — өз тегін танып, бабалар аманатына адал болуды парыз санайды. Сансыз бабтар жаны тыныстаған бұл өлке — бүгінде де рухани жаңғырудың, ұлттық сананың ошағына айналуда. Испиджаб — бабалар рухын бойына сіңірген, елдігіміздің ескі жұрты. Бұл мекенді танып-білу — өткенді бағалап, болашаққа бағыт алу. Біз де арнайы түсірілім тобымызбен осы киелі мекен — Испиджабқа ат басын тіредік. Тарихтың тереңіне үңіліп, көне қаланың жүрегінен сыр тарту — басты мақсатымыз. Кешегі бабалар ізімен жүріп, бүгінгі ұрпаққа аманат болар мәліметтерді жинауға кірістік. Қасиетті Сайрам топырағына табан тигізген сәттен бастап-ақ, ерекше рухты сезіндік. Бұл жерде әрбір тас, әрбір көше — үнсіз тарих, ал әрбір жергілікті тұрғын — тірі шежіре. Қаланың көркем келбетімен қатар, оның терең тарихын бізге жеткізер деректер мен аңыздарға толы бейнеқорымыз қалыптасып келеді. Бүгінгі бағдарлама — тек ақпарат емес, жүрекке жететін тарих. Бұл — көзбен көріп, көңілмен сезінетін сапар. Ұрпаққа мұра, санаға сілкініс сыйлар сапар. Бабалар үнін естіп, олардың рухымен қауышуға шақыратын, ұмыт қалған тарихпен қайта қауышуға себеп болар бір игі бастама. Бізбен бірге болыңыздар! Саяхатымыздың әр қадамы — сіз үшін ашылар жаңа парақ, ұлт тарихының жарқын беттері болмақ.
